Hvað þarf að gerast?

Samantektin hér að neðan telur upp þá þætti sem nauðsynlegir eru svo að efla megi brjóstagjöf í þjóðfélaginu. Hér á Íslandi eigum við langt í land með að uppfylla öll þessi skilyrði en erum þó smám saman að þokast í áttina að markmiðinu að efla brjóstagjöf.

Vinnan felst í viðhorfsbreytingu til brjóstagjafar inni á heimilum, á heilbrigðisstofnunum s.s heilsugæslustöðvum og sjúkrahúsum. Einnig hjá stoðstofnunum heilbrigðisskerfisins s.s Embætti landlæknis og lýðheilsustöðvar og Vinnumálastofnun. Einnig er mikilvægt að Alþingi setji lög og reglur sem vernda mæður. Lög og reglur eru  nauðsynlegar svo að hægt sé að framfylgja því að  vinnuveitendur, auglýsendur, framleiðendur og fleiri reyni ekki að koma í veg fyrir að móðir mjólki barni sínu. Stoðstofnanir þyrftu að upplýsa stjórnendur fyrirtækja um rétt mæðra til þess að mjólka sig eða gefa brjóst í vinnu eftir að fæðingarorlofi lýkur. Vera með virkt eftirlit til að framfylgja banni á auglýsingum á þurrmjólk/ungbarnablöndu og stoðmjólk. 

Helstu áhrifaþættir á ákvörðun móður að hafa barn sitt á brjósti:

Aldur, heilsa, lífsstíll, verndun brjóstamjólkur, menntun, vinna, félagslegur, menning, viðhorf til brjóstagjafar, hjúskaparstaða, fjölskyldustærð, stuðningur fjölskyldu, fyrirmyndir, lengd meðgöngu, þyngd barns við fæðingu, heilsa barns og fæðing.

Helstu áhrifaþættir sem verða að vera fyrir hendi í heilbrigðiskerfinu til stuðnings brjóstagjafar:

Meðgönguvernd, fæðingarþjónusta og aðstoð eftir fæðingu barns og fyrstu dagana, ungbarnavernd, sérfræðiaðstoð og stuðningshópar.

Lýðheilsumarkmið sem þurfa að vera til staðar:

Kynna brjóstagjöf í samfélaginu, setja markmið og skipuleggja aðgerðir, vera með virkt eftirlit og bjóða upp á markvissra endurmenntun starfsfólks, veita styrki til áhugafélaga og verkefna sem styðja brjóstagjöf, miðla upplýsingum, auka menntun og koma á samvinnu.

Hlutverk samfélagsins og menning:

Koma á og fylgja International Code, setja lög um um fæðingarorlof, gera samning við fjölmiðla að styðja brjóstagjöf, hrinda úr vegi hindrunum sem takmarka brjóstagjöf, koma á nefndum sem vinna að stuðningi við brjóstagjöf.

Hvað hefur gerst á alþjóðlegum vettvangi:  

• 1990 Innocenti Declaration on Protection, Promotion and Support of Breastfeeding 

• The WHO/UNICEF Baby Friendly Hospital Intitative

• The World Declaration and Plan of Action for Nutrition (FAO/WHO 1992)

The First Action Plan for Food and Nutrition Policy birt af WHO European Office árið 2000-2005.  

Klíniskar leiðbeiningar Heilsugæslunnar hér.

Tekið saman af Arnheiði Sigurðardóttur, uppfært febrúar  2011.


Háskólinn í Reykjavík, Reykjavík University, 2010.

 

http://www.iblce-europe.org/Download/Blueprint/EUPolicy06English.pdf