Götun á geirvörtu

Hér má finna grein um götun á geirvörtu og brjóstagjöf: http://jama.ama-assn.org/cgi/content/full/301/24/2550

Í grein þessari er sagt frá þremur mjólkandi mæðrum sem voru með lokk í geirvörtunni. En færst hefur í vöxt að mæður láti gata geirvörtuna. Vitað er að götun á geirvörtu hefur ekki áhrif á mjólkurframleiðsluna, en hún getur aftur á móti skemmt mjólkurgangan í geirvörtunni sem flyta mjólkina til barnsins. Þær mæður sem voru skoðaðar í þessari tilfellarannsókn höfðu látið gera götin 2,5-3 ár áður. Niðurstaðan var sú að börnin voru ekki fyllilega sátt þegar drukku af brjóstinu með götuðu geirvörtunni í samanburði við hitt brjóstið. Tvær mæðranna gáfu töluverða ábót. Aðeins mátti sjá samgróninga hjá einni af þremur mæðrum.  Hugsanlega er mjög misjafnt hverjar afleiðingar götunar á geirvörtu geta haft á milli mæðra þar með getu þeirra til að brjóstfæða barn sitt.