Hér er að finna umfjöllun um vaxtakúrfur WHO á ensku:
http://www.who.int/nutrition/media_page/backgrounders_1_en.pdf
Hér er tengill á vaxtarkúrfurnar sjálfar (neðarlega á síðunni):
http://www.who.int/nutrition/media_page/en/
Hér má finna WHO Child Growth Standards leiðbeiningar.
Hér má finna WHO leiðbeiningar og æfingar fyrir heilbrigðisstarfsfólk.
Tenglarnir á WHO vaxtarkúrfur er ekki tæmandi hér sjá nánar á
http://www.who.int/childgrowth/standards/technical_report/en/index.html
Vaxtakúrfur brjóstabarna.
Vaxtarkúrfur brjóstabarna eru svolítið öðruvísi en barna alinna á tilbúinni þurrmjólkurblöndu. Fyrir nokkru kynnti alþjóðlega heilbrigðistofnunin nýjar vaxtarkúrfur. Brjóstabörn þyngjast venjulegast vel fyrstu 3 mánuðina, en hægja á þá verulega á sér næstu mánuðina standa í stað eða léttast jafnvel örlítið, en þyngjast svo hægt fram til 12 mánaða aldur. Ekki er óalgengt að brjóstabörn þyngist mjög mikið fyrstu vikurnar um allt að 300-600 grömm á viku fyrstu vikurnar upp að tveggja mánaða aldri, venjulegast kemst jafnvægi á þyngdaraukninguna um 3-4 mánaða aldur og barnið þyngist lítið sem ekkert næstu vikurnar.
En þetta tímabil veldur oft miklum óróleika meðal foreldra og spurningar vakna um hvort barnið þurfi ekki að fara að fá að borða. Einmitt þarna er hætta á að barninu sé gefið að borða löngu áður en það hefur getu til að melta fæðuna, og getur jafnvel verið valdur að ofnæmi sem koma mátti í veg fyrir með því að draga það að gefa mat alla vega til 6 mánaða aldurs.
Til hughreystingar má segja það að 40% líkamsþyngdar stórra brjóstabarna er fita sem við fæðingu er 11% og verður 20% frá 4-12 mánaða aldur. Börnin alin á þurrmjólk eru flest þyngri en brjóstabörn í lok fyrsta árs. Ekki vegna þess að þau hafi fengið betri næringu. Brjóstamjólkin örvar þroska taugakerfis og heils og þar með hreyfiþroska en þurrmjólk vöxt vöðva og fitu.
Val mæðra á næringu barna sinna verður að byggjast á þekkingu, því er mikilvægt að vera vel upplýstur. Okkur ber öllum að styðja mæður sem velja brjóstagjöf fyrir börn sín þar sem brjóstamjólkin hefur svo margt fram yfir þurrmjólkina. Leggjum grunn að heilbrigðari börnum sem hafa fengið að þroskast eins og náttúran gaf þeim tilefni til.
Arnheiður Sigurðardóttir.
Eðlilegur vöxtur brjóstabarna.
Offita barna er áhyggjuefni margra foreldra og heilbrigðisstarfsmanna. Heilsufars vandamálið er ofeldi sem leiðir af sér hjarta og kransæðasjúkdóma, krabbamein og sykursýki hafa verið dregin fram, nákvæmar rannsóknir á næringu ungbarna og tengsl þess við offitu hefur vantað. Þar sem við höfum áhyggjur af er að þær vaxtarkúrfur sem notaðar hafa verið af heilbrigðisstarfsfólki stuðla að slíku ofeldi. Vaxtarlínurit eru byggð á rannsóknum á vexti barna alin á þurrmjólk það er almennt vitað að þurrmjólkur börn vaxa hraðar og fylgja öðru vaxtarlínuriti en brjóstabörn. Að nota slíkar vaxtarkúrfur og miða öll börn við þær, líka brjóstabörn er ekki rétt aðferð. En þetta hefur verið viðhaft í áratugi sem augljóslega endurspeglar það viðhorf að vöxtur og þroski brjóstabarna og þurrmjólkurbarna sé svipaður.
* Hve mörgum foreldrum er sagt að óþörfu að barn þeirra þyngist ekki nóg og þurfi ábótargjöf þegar barnið er borið saman við vaxtarlínurit ætlað barni alið á þurrmjólk.
*Sú aðferð að nota þessi vaxtarlínurit hefur orsakað það að mæður hafa efast um getu sína til að mjólka barni sínu.
*Hve margar mæður hætta með börn sín á brjósti þar sem þeim er talið trú um það að barnið vaxi ekki eða þyngist nógu hratt.
Þörfin fyrir vaxtarlínurit fyrir brjóstabörn hefur verið á verkefna skrá Who í fjöldamörg ár. Við gerum okkur grein fyrir að vaxtarlínurit er gott tæki til að vega og meta líkamlegan þroska barns. Árið 1993 setti WHO að stað vinnuhóp til að þróa slíkt vaxtarlínurit fyrir brjóstabörn. Síðan stofnaði WHO vinnuhóp Multicenter Growth Reference Studies (MGRS)2. til að búa til slíkt vaxtarlínurit varð að taka með því dæmið allar utanaðkomandi þætti sem gætu haft áhrif á líkamlegan vöxt, á hvaða aldri barnið fær að borða, efnahagslegir þættir og mismunandi vöxtur á meðal brjóstabarna. Í fyrstu rannsókninni var ætlað að finna út hvað hefði áhrif á hugsanlegar breytur. Fyrstu niðurstöður sýndu að vaxtarlínurit voru mjög svipuð í þeim fyrstu sjö löndum sem rannsökuð voru (Ástralía, Chile, Kína, Gvademale, Indland, Nígería, Svíþjóð). Fyrir utan Kína þar sem í ljós kom að börnin voru lægri og Indland þar sem börnin voru 15% léttari við tólf mánaða aldur. Þrátt fyrir staðbundinn mun segja rannsóknarniðurstöður að brjóstabörn hvar sem þau eru í heiminum vaxa á svipaðan hátt. Þrátt fyrir ólík þjóðerni og landfræðilega staðsetningu. Vaxtarlínurit WHO hafa nú verið gefin út og niðurstöður MGRS hópsins hafa verið kynntar.
WHO MGRS rannsakaði 8440 börn í sex löndum (Brasilía, Gana, Indland, Noregur, Óman, USA) og það gefur okkur mjög góðar niðurstöður.
* Þyngd tveggja til þriggja ára barna samkvæmt núverandi vaxtarlínuriti er í dag fimmtán til tuttuguprósentum of há.
*Þurrmjólkurbörn vega um eins árs aldur 22,5 til 28,5 LBS þar sem heilbrigt brjóstabarna vegur 21 til 26 LBS.
*Mismunur á vaxtarhraða og mynstri þurrmjólkur og brjóstabarna kemur greinilega í ljós á tveggja til þriggja mánaða aldri.
*Niðurstöður sýndu að svo ekki væri um villst að brjóstabörn þyngjast á eðlilegum hraða en þurrmjólkurbörn of mikið.
Samkvæmt DR. Mercedes de Onis stjórnanda rannsóknarhópsins hjá WHO segir að þessi nýju viðmið gefi okkur mun betri skilning á líkamlegum vexti og þroska, þar sem vöxtur brjóstabarnsins sé hið eðlilega viðmið. Barnalæknar geta strax í dag farið að óska foreldrum til hamingju með það að hafa barnið eingöngu á brjósti í stað þess að eyða tíma sínum í óþarfar áhyggjur. Heldur sannfæra foreldrana um að barn þeirra vaxi eðlilega þar sem nú notað vaxtarlínurit sé ófullkomið og gefi ekki rétta mynd af eðlilegum vexti.
Dr. Prakash Shetty yfirmaður UN’s Food & Articultur Organisation sagði að einnig að nýju ráðleggingarnar munu segja að ráðlagður dagskammtur orku inntöku barna verði sjö prósentum lægri en í dag. Vörumst ofeldi og það að vekja óþarfa hræðslu hjá mæðrum vegna þyngdaraukningu barns eingöngu á brjósti. Okkur vantar sárlega eðlilegt vaxtarlínurit og við hlökkum til þess dags þegar WHO gefur út niðurstöður sínar.
Tekið saman af Arnheiði Sigurðardóttur lýðheilsu- og hjúkrunarfræðingi, brjóstagjafar-leiðbeinanda og ráðgjafa. | 
