Mjaltaplan

Mjaltarplan hér er að finna eyðublað til að skrá hvenær mjólkað er, hversu mikið og fleira því tengt.

Því má aldrei gleyma að mæður sem eru að mjólka 20%, 30%, 50% eða 75% af næringarþörf barnsins eru að vinna mikilvægt starf. 

Fyrirburamæður:

Mjólkar 350ml á 10 degi, móðir er í áhættuhópi.

Mjólkar 550ml á 10 degi, móðir er í áhættuhópi.

Mjólkar 750ml á 10 degi, æskilegt magn.

Það eru ekki allar mæður sem ná því að mjólka nægilegt magn til að uppfylla næringarþörf barnsins. En öll brjóstamjólk sem barnið fær hjálpar því. Tölurnar á æskilegu mjólkuðu mjólkurmagni eru hærri en fyrirburinn hefur þörf fyrir í upphafi, það er vegna þess að fyrirburamóðir verður að haga sér eins og hún hafi fætt fullburða barn.

Hvað gerir brjóstamjólkin?

Samvirkni margra verndandi þátta í brjóstamjólkinni hafa tvöfalda jafnvel þrefalda virkni fyrir fyrirburann.  Fitan í brjóstamjólkinni gefur barninu orku, fjölómettaðar fitusýrur auka þroska sjónar og heila.  Brjóstamjólkin skapar aðstæður í meltingarvegi þannig að óæskilegar bakteríur eiga í erfiðleikum með að dafna og fjölga sér, þetta ver fyrirburann fyrir spítalasýkingum og þarmadrepsbólgu. 

Einnig er brjóstamjólkin sé auðmeltari en ungbarnaþurrmjólk. Fyrirburann skorti nauðsynleg meltingarensím sem hann fái með brjóstamjólkinni (Rodriguez o.fl., 2005).  Fyrirburinn getur ekki brotið niður fitu, en innihaldsefni brjóstamjólkur lipase sér um það þannig að fyrirburinn geti nýtt sér hana sem orkugjafa. 

  „Móðir getur minnkað líkur á sýkingum um helming með því að sjá fyrirbura sínum fyrir 50% af næringarinntekt í formi brjóstamjólkur“ (Rodriguez o.fl., 2005).

  Brjóstamjólkin málar varnarlag innan á meltingarveginn svo óæskilegar bakteríur geti ekki sest þar að og valdið skaða (Hanson, 2004).

  Efni í brjóstamjólk ráðast á bakteríur og gera þær óvirkar þannig að þær eru skildar út með hægðum barns áður en þær ná að valda skaða (Hanson, 2004).

  Bakteríur halda að þær séu að festa sig við þarmavegginn, en tengjast efnum í brjóstamjólkinni þannig að þær geta ekki valdið sýkingum (Hanson, 2004).

  Brjóstamjólkin örvar vöxt æskilegra baktería í meltingarvegi, en mikil hætta er á sýkingum á fyrirburadeildum, brjóstamjólkin ver barnið (Hanson, 2004).

  Fyrirburabrjóstamjólk er rík af IgA mótefnum sem bindast við viðtaka í meltingarvegi barns þannig að bakteríur komast ekki að (Mathur o.fl., 1990).

  Lactoferrin í brjóstamjólkinni kemur í veg fyrir náttúruleg bólguviðbrögð hjá barninu en slíkt myndi taka mikla orku frá því, þannig að það getur notað orku sína í það að vaxa og dafna í stað þess að sjá um viðgerðir á veikum þarmavegg (Hanson, 2004).

  LCPUFA er efni í brjóstmjólk sem er mikilvægt fyrir þroska heila, flutningur þess yfir til fósturs fer fram á síðari hluta meðgöngu um fylgju.  Mæður geta tekið yfir hlutverk fylgju og séð barni sínu fyrir LCPUFA með því að framleiða fyrir það brjóstamjólk (Rodriguez o.fl., 2005).

  Ungbarnaþurrmjólk er ekki hægt að bera saman við brjóstamjólk þar sem hana skortir verndandi þátt brjóstamjólkur einnig er hún allt önnur næring (Rodriguez o.fl., 2005).

Vernd gegn þarmadrepsbólgu

Brjóstamjólk ver fyrirburann gegn sýkingum þ.m.t. þarmadrepsbólgu.  Það gerir hún með því að vernda, meðhöndla og gera við bólgu í þarmavegg og kemur samhliða þessu í veg fyrir að óæskilegar bakteríur fjölgi sér (Rodriguez o.fl., 2005). 

 
Heimildir

Hanson, L. A, (2004). Immunobiology of Human Milk: How Breastfeeding Protects Babies. Götaborg: Pharmasoft Publishing.

Mathur, N. B., Dwarkadas, A. M., Sharma, V. K., Saha, K. og Jain, N. (1990). Anti-infective factors in preterm human colostrum. Acta Paediatrica Scandinavica, 79(11), 1039-1044.

Rodriguez, N. A., Miracle, D. J., Meier, P. P. (2005). Sharing the science on human milk feeding with mothers of very-low-birth weight infants. Journal of Obstetric, Gynecologic og Neonatal Nursing, 34(1), 109-119.