Mjólkurframleiðsla 

Mjólkurframleiðsla er á efa oft á tíðum eitt aðaláhyggjuefni móður. Eflaust spyr hún sig oft. Er ég að mjólka nægilega mikið fyrir barnið mitt?

Rannsóknir hafa sýnt að ýmislegt getur haft áhrif og þá má helst nefna viðhorf móður og sjálfsöryggi. Þannig er það bara að ef þú vilt þá verður þú að trúa því að þú getir.  Aðrir áhrifaþættir eru það að vera frumbyrja, eða með innfallnar geirvörtur, þjást af offitu, lenda skyndilega í keisaraskurði, löng og/ eða erfið fæðing, sogklukku fæðing og miklar blæðingar. Allt þetta er talið geta haft áhrif á möguleika móður til þess að mjólka nægilega mikið. Annað sem erlendir sérfræðingar í brjóstagjöf eru farnir að nefna er mikil bjúgur, hár blóðþrýstingur og notkun getnaðarvarna. Stundum getur ýmislegt sem móðir notar eða gerir haft áhrif á mjólkurframleiðslu hennar þar má helst nefna nefúða sem þurrka upp nefrennsli, piparminnta, piparminntute og sage krydd.

Ef barni er gefin peli með þurrmjólk þá veit líkami móður ekki af því sem barnið drekkur og brjóstin frá þar að leiðandi ekki örfun um að framleiða meira. En ábótagjöf hefst í upphafi aðeins með einum pela. 

Eins og Woolridge sagði: "þar sem mjólkurframleiðslu hefur ekki verið komið nægilega vel af stað í upphafi, er oft mjög erfitt að fá hana til að aukast í samræmi við þarfir; þar sem mjólkurframleiðslu hefur verið komið vel af stað í upphafi er auðveldara að auka hana". 

Þetta á mjög vel  við um prolatin viðtaka kenninguna en hún hjóðar þannig að ef prólaktín viðtakar í brjóstum eru virkjaðir fyrstu daganna þá eigi móðirin meiri möguleika á að mjólka nægilega mikið fyrir barn sitt. Ef viðtakarnir fá ekki nauðsynlega örvun lokist þeir og bíði þar til móðir eignist barn næst. Ýmsar aðrar ástæður geta leið að baki sem ekki verður farið út í hér að útskýra. Við fyrstu skoðun þegar meta á hvort móðir sé að framleiða mjólk er mikilvægt að skoða lögun brjósta og hvort æðar séu greinilegar og þroska geirvörtu. Viðkomu brjósta og hlutfall vefja. Kynna sér sögu beytinga á brjóstum á meðgöngu. Hvernig meðgangan var, frjósemi og sögu um háan blóðþrýsting. Ásamt því að kynna sér sjúkdómasögu fjöskyldunnar í heild s.s sykursýki, hjartsjúkdóma, skjaldkirtilssjúkdóma, ófrjósemi og vandamál við brjóstagjöf.  

Við verðum ávalt að gera greinamun á hvort vandamálið er hjá móður eða hvort barnið ráði ekki við að viðhalda mjólkurframleiðslunni.

Þættir sem taldir eru geta haft áhrif á losunar viðbragð móður eru sagðir vera saga um ofbeldi, áverkar á brjóst s.s. vegna sætisbelta við bílslys, erfiða fæðingu, veikt barn, áfengi og reykingar.  í vinnslu.................