Klofin gómur og/eða vör  

Það er mjög mikilvægt að móðir barns með skarð í vör og/eða góm er að koma mjólkurframleiðslu sinni í gang og það verður að gerast strax alveg eins og hún væri með barn sem færi endurtekið á brjóst strax við fæðingu. En nú verður hún að notast við mjaltavél og nota tvöfalt viðsett og handmjólkun. Það er mjög mikilvægt að þessar tvær aðferðir séu notaðar samhliða fyrstu 3-5 daganna á meðan prolatinviðtakar eru virkjaðir. Þetta er gert til að tryggja mestu mögulegu mjólkurfarmleiðslu hjá móður til lengri tíma litið. Upplýsingar um leigu á mjaltavél má finna undir liðnum fyrirbura sjá mjaltvélar.

Næra barnið

Börn sem fæðast með klofin góm geta ekki myndað loftæmi sem er nauðsynlegt svo árangursrík brjóstagjöf geti átt sér stað. Einstaka móður hefur tekist að mjólka sig upp í barnið. En þar sem mjólkurstreymi mæðra er svo misjafnt verður hver og ein að reyna hvað hentar fyrir sig og sitt barn. Þar sem barnið getur ekki sogið þarf að notast við sérhannaðan pela SpecilaNeed® Feeder. Hann vinnur öruvísi en venjulegir pelar og mun ég nú skýra frá því hvernig hann er notaður. Mjólkinni er pumpað ofan í barnið í takt við öndun þess þannig að því svelgist síður á.

Hér getur þú lesið The Effects of Lactation Education and a Prosthetic Obturator Appliance on Feeding Efficiency in Infants With Cleft Lip and Palate

Í upphafi er mjög mikilvægt að barni fá broddmjólkina í þeirri röð sem hún hefur verið mjólkuð og í hana má engu blanda og á hún að vera fyrsta næringin sem barnið fær. Broddinn er gott að gefa með skeið.

Hin eiginlega mjólk kemur á 3-5 degi í brjóst móður því fyrr sem hún er duglegri við að mjólka sig. Brjóstamjólk er sett í pelann, himna sett á pelann svo tútta, hringur og hert að, passa að herða ekki of mikið. Byrjað er á því að taka utan um túttuna og þrýsta henni saman milli vísifingurs og þumalfingurs. Því næst er pelanum snúið við og slakað á þrýstingnum og barninu gefið. Línunum á túttunni er snúið þannig að það flæði sem valið hefur verið er látið miða við nefbrodd barnsins en hægt er að hafa þrennskonar flæði á mjólkinni. Best er ef barnið sýgur túttunna annars er hún kreist eins og þarf í takt við öndun barnsins. 

(Haberman feeder hefur fengið nýtt nafn og nefnist nú SpecialNeeds® Feeder).

Hér má finna link á fund sem Breið bros áttu með heilbrigðismálaráðherra nýverið.

 
NÆRING BARNA MEÐ SKARÐ

Algengt er að börn með skarð í vör og/eða góm geti ekki tekið brjóst. Flestar mæður reyna þó að fá barn sitt til að taka brjóst en margar þeirra verða fyrir miklum vonbrigðum þegar slíkt tekst ekki og telja sér jafnvel vera hafnað. Ekki hjálpar til þegar ættingjar og vinir leggja ofuráherslu á áframhaldandi tilraunir af þessu tagi. Ástæður þess að barnið getur ekki tekið brjóst eru að það getur ekki sogið vegna þess að gómurinn er opinn og loft lekur um skarðið og kemur í veg fyrir að nægilegt sog myndist. Ef barnið er aðeins með skarð í vör má í stöku tilfellum hjálpa því til að sjúga með því að leggja fingur yfir skarðið til að loka fyrir loftlekann eða hagræða brjóstinu þannig að það loki fyrir skarðið. Margir kostir geta fylgt slíkri brjóstagjöf en hún getur jafnframt reynt mikið bæði á barnið og móðurina. Rétt er að leggja sérstaka áherslu á að mæður ofreyni sig ekki andlega við slíkar tilraunir og viðurkenni að nota verði aðrar aðferðir til að næra barnið. (Tekið af síðu http://www.breidbros.is/faedugjof.htm)

Margar mæður hafa sýnt dugnað og elju og mjólkað sig í mjaltavél í ár og lengur. Það mikilvægasta sem mæður geta gert er að hefja mjólkun í mjaltavél strax og handmjólka sig samhliða í upphafi. Þar sem nýlegar rannsóknir hafa sýnt fram á að með því að tvinna saman þessum tveimur mjaltar aðferðum í upphafi virki mæður frekar möguleika sína til að framleiða næga mjólk og takist betur að viðhalda framleiðslu sinni til lengri tíma litið.

Við verðum samt ávalt að muna að sú móðir sem mjólkar 20%, 30% eða 50% af næringaþörf barnsins er að leggja mjög mikilvægt innlegg í því að stuðla að velferð barns síns.

Sjá upplýsingar um útleigu á mjaltavélum undir fyrirburar.

Frekari upplýsingar má nálgast á Landspítala Háskólasjúkrahúsi.