Svefn
Svefn barna er oft á tíðum eitt aðal áhyggjuefni foreldra en hugmyndir margra um svefn barna eru byggðar á gömlum rannsóknum á þurrmjólkurbörnum. Rannsóknir síðarsliðinna 20 ára á brjóstabörnum og þurrmjólkurbörnum hafa sýnt fram á að svenmynstur barnanna er ólíkt með tilliti til hvort þau eru nærð á brjóstamjólk eða þurrmjólk. Ungbörn sofa einnig öðruvísi en foreldrarnir, svefn mynstur þeirra er annað. Brjóstabörn sofa í 2-3 tíma lotum og heill nætursvefn er frá kl. 24:00- 5:00. Af þessu má vera ljóst að eðlilega sofa þau ekki alla nóttina.
Svefnmynstur er flokkað í REM og non-REM það er léttann og djúpan svefn. Fullorðnir falla mjög fljótt í djúpan svefn er sofna, en ungbörn eru um 20-30 mín í léttum svefni áður en þau fara yfir í djúpan svefn. Þess vegna hrökkva ungbörn oft upp aftur eftir að hafa verið svæfð ef foreldrar leggja þau of snemma frá sér. Með auknum aldri barns breytist hlutfall REM og non-REM svefns og þau verða síður viðkvæm fyrir truflunum.
Melting brjóstamjólkur tekur um 90 mín þar sem hún er mjög auðmelt því þarf barnið í flestum tilfellum að næra sig á 2-3 tíma fresti allan sólahringinn. Þurrmjólk er aftur á móti tormelt og börnin þurfa að nota mikla orku í meltinguna þar að leiðandi sofa þau dýpra og lengur í senn.
Nýburinn er mjög óþroskaður við fæðing þar á meðal stjórnun hjartsláttar, öndunar og hitastjórnunar. Því má vera ljóst að barnið hefur þörf fyrir nálægð og hlýju móður sinnar sem brjóstagjöfin veitir.
Aðskilnaður móður og barns
Ef skoðaðar eru svefnvenjur mannsins í sögulegu samhengi er það nýtt að börn séu látin sofa ein og kemur fyrst fram í kringum 1920 með kenningum sálfræðinganna Watson og King. Kenningar þeirra miðuðust að því að gera börnin sem fyrst sjálfbjarga, þau ættu ekki að trufla foreldra sína um nætur og of mikil umönnun gerði þau óþekk. Þarna kom fram siðurinn að láta börn söfa úti, hinn fullkomni aðskilnaður.
Á þessum tíma veltu menn ekki fyrir sér að börn gætu fengið of lítið atlæti og slíkt illi börnum skaða. Einnig var það ekki fyrr en upp úr 1920-30 til var iðnaður Baby care product, sem áttu að leysa móðurina af hendi. Í dag má sjá í verslunum margsskonar stóla og rúm sem eiga að líkja eftir faðmlagi móður og vagga barninu. Það sem þessi tæki geta ekki gert er að hafa áhrif á hitastjórnun, andardrátt og hjartslátt barns. En einmitt það er foreldrum oft ekki ljóst og fjárfesta í slíkum tækjum í stað burðarpoka líkan þeim sem mæður í Afríku nota við vinnu sínar.
Hvar á barnið að sofa?
Fram kemur í rannsókn Helen Bell á frumbyrjum og börnum þeirra að á fyrstu þremur sólarhringum eftir fæðingu sé það æskilegt að móðir og barn sofi saman, þar sem slíkt stuðli að lengri brjóstagjöf. Niðurstöður sýndu að mæður vöknuðu ekki þegar barn þeirra sýndi merki þess að vilja nærast ef það svaf í vöggu næst móður sinni (eins og notaðar eru á LSH).
Þær mæður sem sváfu með barnið hjá sér eða með rúm barns fast við sitt vöknuðu oftar og fyrr þegar barnið vildi nærast. Þetta er sérstaklega mikilvægar niðurstöður í ljósi kenninga um að á fyrstu dögum eftir fæðingu barns verða til prolatin viðtakar í brjóstunum og ef þeir séu ekki virkjaðir leggist þeir í dvala þar til móðirin eignast barn næst. Móðir sem ekki kemur framleiðslu sinni nægilega vel af stað strax í upphafi á erfiðara með að auka mjólkurframleiðslu sína til lengri tíma litið. Þetta staðfesta rannsóknir Laurie Nommsen-Rivers eru þær kynntar undir liðnum seinkun í mjólkurframleiðslu.
Hér má lesa nokkrar rannsóknargreinar Helenu Bell og McKenna úr ýmsum tímaritum
frá 2002-2007.
1. Breastfeeding, Bed-Sharing, and Infant Sleep
2. New” practice of bedsharing and risk of SIDS
3. Reason to share: why parent sleep
4. Parent-infant bed-sharing behavior
5. The prevalence & characterstistics
Rannsóknar niðurstöður sýna að 50% barna sofa hjá foreldrum sínum. 47% barn sem sofa hjá móður sinni eru á brjósti við 16 mánaða aldur en aðeins 27% barna sem ekki sofa hjá móður sinni. þannig má álykta að það að sofa hjá mömmu stuðli að brjóstagjöf. Þetta ættu heilbrigðisyfirvöld að skoða nánar sem mæla með brjóstagjöf í 2 ár eða lengur og endurskoða ráðleggingar sínar á svefnfyrirkomulagi í ljósi rannsókna Bell og McKenna.
Hér má lesa nokkrar greinar eftir McKenna og félaga.
1. Bedsharing promotes breastfeeding.
2. Why babies should never sleep alone: A review of the co-sleeping controversy in relation to SIDS, bedsharing and breast feeding
Hér má fara inn á síður McKenna og kynna sér Mother-Baby Behavioral Sleep Labratory at the University of Notre Dame. Þar er margt áhugavert að finna.
Einnig er hægt að sjá fyrirlesta Mckenna hér.
Hér má lesa greinar eftir Blair;
1. Hasardous co-sleeping
Gagnlegar upplýsingar frá stofnunum og félagasamtökum.
1. Bed sharning and co-sleeping Guidance paper
2. La Leche League. Safe Charning
3. La leche League. Cosleep Infomed choices
3. Co-Sleeping Safty
4. Sharning a bed with your baby. Unicef.
5. A Safe Family bed.
Tekið saman af Arnheiði Sigurðardóttur.
Heimildir
Bell, H. (2003). Breastfeeding, Bed -sharing, and Infant Sleep. Birth, 30(3), 181-188.
Mosko, S., Richard, C, og Mckenna, J. (1997) Infant Arousal During Mother Infant Bed sharing Implication for Infant Sleep and Sudden Infant Death Syndrome Research. Pediatrics, 100 (5), 841-896.
Svefn barna er eitt af aðal áhyggjuefnum foreldra og margir velta fyrir sér hvernig best sé að bera sig að hér er grein sem veltur upp því hvort börn eigi að svæfa sig sjálf.
10 góð ráð til að bæta nætursvefn brjóstabarnsins
Næturvökur eru oft mjög erfiðar nýbökuðum foreldrum. Hér koma nokkur einföld ráð sem geta hjálpað til við að bæta nætursvefninn:
1. Hafið reglu á hlutunum. Ef barnið sefur fram eftir degi til að bæta sér upp tapaðan nætursvefn, prófaðu að vekja það fyrr og fyrr á morgnana til að hvetja til nætursvefns á sama tíma og aðrir fjölskyldumeðlimir sofa.
2. Kjósið bjartan stað fyrir dagblundana. Þetta styttir dagsvefntímana, sem svo aftur gæti bætt nætursvefntímann.
3. Fjölgið daggjöfum. Fjölgun brjóstagjafatíma yfir daginn fær barnið til að fullnægja frekar næringarþörf sinni á tíma sem hentar þér betur.
4. Gefðu barninu á hljóðlátum rökkvuðum stað ef barnið lætur auðveldlega truflast við daggjafirnar.
5. Ef þú ert með barnið á brjósti, leyfðu þá barninu að ljúka sér af á fyrra brjóstinu sem þú býður. Þannig fær barnið meiri eftirmjólk sem gæti hjálpað til við að fækka næturgjöfum.
6. Berðu barnið – í ruggupoka, wrap eða öðrum burðarpoka Þetta hjálpar barninu að slaka á, sérstaklega framan af kvöldi, sem hjálpar barninu svo aftur að sofna.
7. Reyndu að halda kvöldstundunum í ró til að koma í veg fyrir oförvun. Ef barnið slakar vel á í baði, getur þú baðað það fyrir nóttina, ef baðið er of örvandi, baðaðu barnið á öðrum tíma.
8. Gefðu barninu án þess að kveikja ljósið yfir nóttina ef það vaknar svangt. Kenndu barninu að á nóttunni sefur maður, þótt maður fái brjóstið.
9. Forðastu að skipta á bleyju á nóttunni ef það er mögulegt.
10. Taktu barnið uppí til þín ef það getur hjálpað þér að ná svolítið meiri hvíld.
Og ekki gleyma að hugsa um sjálfa þig!
- Hvíldu þig á meðan barnið hvílist. Þetta er sérstaklega mikilvægt ef barnið er mjög þurftafrekt.
- Farðu í gönguferð. Sól og ferskt loft er gott fyrir ykkur bæði. Útivist saman með barnið í burðarpoka, vagni eða kerru getur dregið verulega úr streitu.
Unnið upp úr grein eftir Deb Donovan brjóstagjafaráðgjafa af Guðrúnu Jónasdóttur brjóstagjafaráðgjafa.
| 
